Əliyev Mahir Nəriman oğlu

1973-cü ildə anadan olmuşdur. Ali təhsillidir, Azərbaycan Dövlət Neft Akademiyasını bitirmişdir.

1999-cu ildə “Aztürkal” birgə müəssisəsində, 2000-2004-cü illərdə Azərbaycan Dövlət Dəmir Yolunun Naxçıvan hissəsinin Ordubad yol distansiyasında müxtəlif vəzifələrdə çalışmışdır.

2004-2010-cu illərdə Azərbaycan Dövlət Dəmir Yolunun Naxçıvan hissəsinin rəisi vəzifəsində çalışmışdır.

2010-cu ildən Naxçıvan Muxtar Respublikası Ali Məclisi sədrinin sərəncamı ilə “Naxçıvan Dəmir Yolları” MMC-nin direktoru vəzifəsinə təyin edilmişdir.

“Tərəqqi” medalı, “Azərbaycan Dəmir Yollarının 140 illiyi (1880-2020)”, Azərbaycan Respublikasının yubiley medalı və “Fəxri dəmiryolçu” döş nişanı ilə təltif edilmişdir.

Ailəlidir, iki övladı var.