Dəmir yolları dünya iqtisadiyyatında olduqca mühüm rol oynayır. Ənənəvi olaraq ən ağır və ən uzun məsafələrə yüklərin daşınması üçün etibarlı vasitə kimi hər zaman dəmir yollarına müraciət olunub. Bu halda belə bir sual yarana bilər: dəmir yollarının limiti nə qədərdir?

Dünyanın ilk ən uzun, eyni zamanda ən ağır dəmir yolu yükdaşımaları 1986-cı ildə Qazaxıstanın Ekibastuz şəhərindən Urala daş kömür daşıyan qatarla həyata keçirilib. Bir lokomotiv və 439 vaqondan ibarət qatarın uzunluğu 6,5 kilometr, daşıdığı yükün ağırlığı isə 43 400 ton olub.

Lakin bu rekord 21-ci əsrdə bir neçə dəfə yenilənib:

“Union Pacific” və Şimali Amerikanın ən ağır qatarı

ABŞ-nin “Union Pacific” dəmir yolu şirkəti rekordçular sırasında yer alır. 2001-ci ildə 300 vaqonluq və 9500 tonluq qatarla kömür daşınıb. Bu qatarın uzunluğu 4,6 kilometr idi və Şimali Amerikanın ən ağır qatarı hesab edilir.

“BHP Billiton” və “The Monster Train”

2011-ci ildə Avstraliya dəmir yolu operatoru “BHP Billiton”un 682 vaqon və 8 lokomotivdən ibarət, uzunluğu 7,3 kilometrə çatan qatarı dəmir filizi daşıyıb. “The Monster Train” adını alan qatarın çəkisi təxminən 100 min ton olub

“China Railways” və uzaq məsafələrə yükdaşıma

2014-cü ildə Çində dəmir yolu vasitəsilə 10 min kilometrdən artıq məsafəni əhatə edən yükdaşıma həyata keçirilib. Daşınan mallar arasında elektronika, avtomobil ehtiyat hissələri və istehlak məhsulları yer alıb.

“China Railways” və uzaq məsafələrə yükdaşıma

2014-cü ildə Çində dəmir yolu vasitəsilə 10 min kilometrdən artıq məsafəni əhatə edən yükdaşıma həyata keçirilib. Daşınan mallar arasında elektronika, avtomobil ehtiyat hissələri və istehlak məhsulları yer alıb.

Cənubi Afrika – “Transnet Freight Rail”

“Transnet Freight Rail” (TFR) Cənubi Afrikada irimiqyaslı yükdaşımaları ilə məşğuldur. 2017-ci ildə TFR 375 vaqonluq və 4,2 kilometr uzunluğu olan qatarla daş kömür daşıyıb. Bu qatarın ümumi çəkisi təxminən 50 min ton idi.

Dəmir yolu ilə ən uzun və ən ağır yük daşımaları tarix boyu çox sayda rekord və cəhdlərlə yadda qalıb. Bu daşımalar yalnız texnoloji yeniliklər və güclü infrastruktur sayəsində mümkün olub.