Polşalı velosipedçi Devid Qodzek idman dünyasında görünməmiş uğura imza atıb.

O, hərəkətdə olan qatar üzərində inşa edilmiş xüsusi dağ velosipedi trasında inanılmaz performans göstərərək tarixə düşüb.

Qodzek 23 km/saat sürətlə hərəkət edən qatarın 10 vaqonunu keçərək səkkiz tullanış yerinə yetirib. Bu müddətdə o, ikiqat “tailwhip”, “frontflip” və pilləkənlərdən düz enişlə həyata keçirilən, dünyada ilk olan "flat drop backflip" kimi çətin və həyəcanlı manevrləri uğurla icra edib.

Hərəkət edən qatarla velosipedçinin əks istiqamətlərdə hərəkəti xüsusi “donmuş kadr” (“freeze-frame”) effektini yaradaraq izləyicilərdə sanki Qodzekin bir yerdə dayandığı təəssüratını yaradıb.