Yanvarın 19-da “Azərbaycan Dəmir Yolları” Qapalı Səhmdar Cəmiyyətində Hindistanın Respublikasının Azərbaycandakı fövqəladə və səlahiyyətli səfiri Sanjay Rana ilə görüş keçirilmişdir.
Görüşdə “Azərbaycan Dəmir Yolları” QSC-nin sədri Cavid Qurbanov giriş sözü ilə çıxış edərək Azərbaycan Dəmir Yolunda həyata keçirilən layihələr, “Şimal-Cənub” Beynəlxalq Nəqliyyat Dəhlizinin reallaşması istiqamətində görülən işlər, qarşıda duran vəzifələr haqqında ətraflı məlumat vermişdir.
İkitərəfli görüşdə, həmçinin Hindistan və Azərbaycan ölkələrinin əməkdaşlıq perspektivləri məsələləri müzakirə olunmuşdur.
Səfir Sanjay Rana çıxış edərək, “Azərbaycan Dəmir Yolları” QSC-də bütün sahələrdə həyata keçirilən genişmiqyaslı islahatlardan məmnun qaldıqlarını bildirmişlər.
Qeyd edək ki, görüşdə ikitərəfli əməkdaşlığın bundan sonra daha da genişləndirilməsi qərara alınmışdır.