Bakı - sərnişin stansiyasında Novruz şənliyi
Sərnişin daşımaları Departamentinin Departamentin kollektivi bayram günlərində sərnişin sıxlığının artması ilə əlaqədar ölkə daxilində hərəkət edən sərnişin qatarlarına hər gün 10-15, bəzən də 20 ədəd əlavə vaqonun qoşulması təmin edilir.
Martın 21-də sərnişinlərin bayram əhval-ruhiyyəsinin qaldırmaq üçün Bakı-sərnişin stansiyasında Novruz şənliyi keçirilmişdir. Qədimdən bu günəcən gəliblib çıxan, yaddaşlarda özünə yuva quran Novruz bayramı yalnız adət-ənənələri ilə deyil, həmçinin mili-mənəvi xüsusiyyətlərilə də xalqın yaddaşında yaşayır
Şənliyin iştirakçıları sərnişinlərə maraqlı səhnəciklər, musiqilər təqdim etdilər. Novruz bayramının əzəli-əbədi personajları olan Kosa və Keçəlin iştirakı isə sərnişinlərdə əsil bayram əhval-ruhiyyəsi yaşatdı.
Kosa ilə yumurta döyüşməsində qalib çixan hər kəsə Bakı-Sumqayıt elektrik qatarına pulsuz gediş bileti təqdim olundu.
2010-cu il fevralın 23-də BMT Baş Məclisinin 64-cü sessiyasında «Sülh mədəniyyəti» adlı 49-cu bəndə müvafiq olaraq «Beynəlxalq Novruz günü» adlı qətnamə layihəsi yekdilliklə qəbul edilmiş, BMT martın 21-ni Beynəlxalq Novruz Günü etmişdir. BMT-nin ardınca daha bir nüfuzlu beynəlxalq təşkilat -ATƏT Novruz bayramını öz təqviminə salmışdır.
