1 dekabr 2016-cı ildə Azərbaycan Dəmiryolçularının MHİRK-in növbəti X Plenumu keçirilib.
Plenumu giriş sözü ilə açan MHİRK-in sədri Fəzail Bağırov giriş cözü ilə çıxış edərək son vaxtlar dəmir yolunun həyatında həyata keçirilən islahatlar, əldə olunan uğurlar, qarşıda duran perspektiv vəzifələr haqqında danışdı.
MHİRK-in növbəti X Plenumunun gündəliyində bir məsələ vardı: “Azərbaycan Dəmir Yolları» Qapalı Səhmdar Cəmiyyətinin rəhbərliyi ilə Dəmiryolçuların Müstəqil Həmkarlar İttifaqı Respublika Komitəsi arasında 2014-2016-cı illər üçün Yolun sosial inkişafı üzrə bağlanmış Sazişin yerinə yetirilməsi haqqında”.
Məsələ ilə bağlı MHİRK-in təşkilat şöbəsinin müdiri Samir Böyükzadə məruzə etdi. Məruzəçi əməyin mühafizəsi, təhlükəsizliyin təmin olunması, yeni texnologoyanın tətbiqi istiqamətində görülən işlər haqqında ətraflı məlumat verdi, qarşıda duran vəzifələrdən danışdı.
“Azərbaycan Dəmir Yolları”-nin sədri QSC-nin sədri Cavid Qurbanov, AHİK-in sədri Səttar Mehbalıyev Plenumda çıxış edərək öz fikir və mülahizələrini bildirdilər.
Müzakirələrdən sonra “Azərbaycan Dəmir Yolları» QSC-nin rəhbərliyi ilə MHİRK arasında 2014-2016-cı illər üçün Yolun sosial inkişafı üzrə bağlanmış Sazişin yerinə yetirilməsi qənaətbəxş hesab olundu.
Sonda Azərbaycan Dəmiryolçularının MHİRK-in X Plenumu müvafiq qərar qəbul etdi.